அநேக கோடி பிறவி கடந்து வலை படு மீன் போல் சிக்கி தவித்த எம்மை ஆட் கொண்டு, புற இருள் அகற்றிடும் வான் கதிர் போன்று எமது அக இருள் நீக்கி, சுடர் ஒளி விரலால் என் நெற்றிக்கண் பூட்டை திறந்து, தன்னகத்துள் எம்மை ஈர்த்து,கடல் போன்ற கருணையால் எம்மை வழி நடத்தி, உன்னது சொரூபம் இதுவென உணர்த்தி, அந்தி பகல் அற்ற இடத்தில் அருவமாய் ஏகமாய் நிறைந்து, எமது மேருமலை உச்சி மீது நீக்கமற ஆட்சி செய்து, மாயை வசப்படும் பேதை நெஞ்சை ஞான திசை நோக்கி மடை மாற்றி, எமது பிறவிப் பிணி அகற்றி, இனி அல்லல் வாழ்வு நெருங்கா வண்ணம் எம்மை காத்தருளும், பிறப்பும் இறப்பும் இல்லா ஏக நாயகன்,எமது அருட் குருநாதர், ஆசான், ஞானவள்ளல் அவர்களின் சீடனாகவும், சேவகனாகவும் விளங்கிட என்ன புண்ணியம் செய்தேனோ, இந்த பாக்கியம் பெற்றேன்.
       எனதருமை குருநாதர் பேனா மை கொண்டு தீட்டிய எழுத்துக்கள் யாவும் அவர்தம் பட்டறிவின் தொகுப்புக்கள் என்பதை உணர்ந்து கொண்டு, பல தருணம் எமக்குரைத்த உபதேசங்கள் யாவும் எமக்கு மட்டும் கூறியதென்று இருந்திடாமல், ஒன்றை விடாமல் எழுத்து வடிவில் உரு மாற்றிட, குருவின் ஆசி பெற்று இந்நூலை எழுதிட, ஓய்வில்லா பணிகளுக்கு இடையே என் பேனாவை கொண்டு எழுதிய கருத்துக்கள் யாவும் பகலில் தெரியும் நிலவு அன்று மாறாக பாதையில் பயணம் செய்பவர்க்கு வெளிச்சம் காட்டும் முழு நிலவைப் போன்று இருக்கும் என நம்புகின்றேன்.
     அடியேன் பண்டிதன் இல்லை என்றாலும் திறமையான பாமரன் ஆக்கிய பெருமை ஆருயிர் குருவைச் சேரும். அழகில்லாத ஓடம் பயணிகளை ஏற்றி கொண்டு கரை சேர்ப்பதை போன்று, மனத்துக்கண் மாசில்லா மாணவன் படைப்பான குருவோடு ஒரு பயணம் (தொடரும்) எனும் இந் நூல் உருவாகிட உறுதுணையாக, வழிநடத்தியாக இருக்கும் எமது குருநாதர் ஞான வள்ளல் மகாகனம் தங்கசுவாமிகள் அவர்களுக்கும், யாம் எழுதிய கருத்துக்களை முறைப்படி இணைத்து, தொகுத்து, அவ்வப்போது தொலைபேசியில் கூறிய