தவ சாதனை செய்வதற்காக தியான அரங்கத்தை உள்ளடக்கிய ஞான சபை கிளைகளை நிறுவினார்கள். எக்காலத்திற்கும் சீடர்களுக்கு வழிகாட்டியாக இருப்பதற்காக இனிய தமிழ் மொழியின் மணம் வீச சொல் மாலைகளை தொடுத்து, மெய்ஞான நூல்களாக உருவாக்கி வைத்துள்ளார்கள். குருநாதரின் நூல்களை வீட்டில் வைத்து அழகு பார்ப்பதற்காகவா வாங்கினோம்? பலாப்பழத்தை சுற்றி வரும் ஈக்கள் பலாவின் சுவை அறியுமோ? நூல்களைப் படித்து, ஐயப்பாடுகளை அகற்றி, கருத்துக்களை உள்வாங்கி அதன்படி நடந்தால் அன்றோ அத்துவைதானந்த சுகத்தை அனுபவமாக பெற முடியும். இக்காலத்தில் மெய்யும் பொய்யும் கலந்தல்லவா நூல்கள் இருக்கின்றது. மெய்யை மட்டும் தேர்வு செய்து படிக்க வேண்டும். படித்தால் மட்டும் போதுமா? படித்ததின் முழு பயனை அனுபவத்தில் அடைய வேண்டும் அல்லவா? அடைந்த அனுபவத்தில் உறுதியாக நிலைத்து நிற்க வேண்டும் அல்லவா? இதனை குறளாசான் அய்யன் திருவள்ளுவரும் மிகவும் அழகாக குறிப்பிடுகின்றார்.
“கற்க கசடறக் கற்பவை கற்றபின்                                                                              நிற்க அதற்குத் தக”                                 — திருக்குறள்-391
      இதோ உங்களுக்காக எமது குருநாதரின் நூல்களில் தமிழ் மொழியை பற்றி இலக்கிய ரசனையோடு எழுதிய கருத்துக்களை இங்கு பதிவு செய்கிறேன்.

“நம்மருமைச் செந்தமிழின்                                                                    நல்லமைப்பை ஆராய்ந்தால்                                                                  செம்மைமிகு நற்றமிழர்                                                                                    சித்தாந்த மெய்மைகள்                                                                                        எல்லாம் பொதிந்தொளிர்தல்”