“சும்மா இருக்க சுகம் உதயமாகுமே
 இம்மாயா யோகமினி ஏனடா?
என்று கூறுவதைக் கவுனியுங்கள் “.
“எண்ணாயிரத்தாண்டு யோகம் இருப்பினும்
கண்ணார் அமுதனைக் கண்டறிவாரில்லை
உண்ணாடியுள்ளே ஒளிபெற நோக்கில்
கண்ணாடி போல கலந்து நின்றானே”,
என்று திருமந்திரம் எழுதிய திருமூல நாயனாரும் இதைத்தானே வலியுறுத்திக் கூறுகிறார்.
சரியையின் றொழிலி வாலும் சற்கிரி
     யையினும் யோகம்
புரிதரு முயற்சியானும் பொருந்தொணா
    தென்பர் மேலோர்
உரியதே சிகனு ரைக்கு ஒருமொழி
      உண்மை யாலே
அரியமெய்ஞ் ஞான வீரங் கடைவது
      திண்ண மாமே.
என்று நிஷ்டானுபூதி சாரம் கூறுவதும் ஈண்டு கவனிக்கற்பாலதே மேலும்
நிஷ்டானுபூதி சாரம் அறுதியிட்டு உறுதியிட்டு கூறுவதையும் பார்ப்போம்.
புத்திகொள் கிரியா யோக சாதனையைப்
புரிந்திடு பவர்களிவ் வுலகி
லெத்தனை கால மிருப்பினு மீண்டு
பிறப்பொடு பிறப்பினை யடைவர்
சத்தியமாக வறிதிநீ…..
இதிலிருந்தே புரியலாம் ஞானம் அடையாதவர்கள் மீண்டும் மீண்டும் பிறந்து பிறவிப் பிணியில் உழல்வர் என்று, ஞானம் முத்திக்கு வித்தாகும். இந்நெறி சன் மார்க்கம் என்று வழங்கிடுவர். இங்ஙனமே சிறிது பார்த்து அடுத்த பகுதி புகுவோம்.