ஒரு முறை எனது தந்தையார் மிகவும் கவலைக்கிடமான நிலையில் இருந்தார். அப்பொழுது குருநாதரும் பாண்டியன் அண்ணாச்சியும் எங்களது மருத்துவமனைக்கு வருகை புரிந்து எனது தந்தையின் உயிரை மீட்டுத் தந்தனர். எனது குருநாதர் கடையனையும் கடைத்தேற்றும் வல்லமை படைத்தவர் என்பதற்கு நான் ஒரு அருமையான எடுத்துக்காட்டு அவர் கல்லடி படும் மரம். கல்லடிக்கு அஞ்சாமல் பழத்தைக் கொடுப்பது போல் தன்னை நாடி வந்தவர்களுக்கு இளைபாறுதலும் சங்கடங்களையும் குறைப்பார். எனது சோதனைக் காலத்தில் சிறுகணம் கூட என்னை விட்டு விலகாமல் காத்தார். அவர் முக்காலத்தையும் உணர்ந்தவர் என்பதை பலமுறை எனது வாழ்வில் உணர்த்தியவர். இந்தக் கோர நோய் கொரோனா காலகட்டத்திலும் எங்கள் உணர்வாளர்களோ அல்லது அவர்களின் குடும்பத்தினரோ யாரும் பாதித்திடாத வண்ணம் காத்து அருளினார். இந்த கொரோனா காலத்தில் ஒருமுறை எனது உடல்நிலை சீர்கெட்டு செயற்கை சுவாசம் தேவைப்படும் என்ற அளவில் இருந்த பொழுது, எனது உயிர் காப்பான் தோழர்கள் மரு.சுபகணேஷ் மற்றும் ஃபிராங்க் எனது ஆசானிடம் கூறி மன்றாடினார்கள். நான் ஒரு நிமிடத்தில் எழுந்து உட்கார்ந்தேன், இது மிகவும் வியப்புக்குரிய அதிசயம். எனது குருநாதர் நிகழ்த்தியது.