சிறு வயதிலேயே அதிகாலையில் எழுந்து படிக்க வேண்டும் என்றும் கல்விக்கு முக்கியத்துவம் கொடுத்துப்படிக்க வைத்தார்கள். பின்பு யாம் தட்டச்சு, சுருக்கெழுத்து தொழிற்கல்வியை படிப்பதற்கும் மிகவும் உறுதுணையாக இருந்திருக்கிறார்கள். நல்ல ஒரு வாழ்க்கை துணைவரையும் தேர்ந்தெடுத்து கொடுத்து இல்லறவாழ்க்கையும் சிறப்பாக நடப்பதற்கு துணைபுரிந்துள்ளார்கள். இனிமேலும் தொடர்ந்து அவர்கள் அன்பும், ஆசியும் எப்போதும் கிடைத்திடவும், எமது தந்தையைக் குருநாதராகப் பெற்று இருப்பது நான் பெற்ற ஏதோ ஒரு தர்மம் என்றுதான் நினைக்கிறேன்.
கற்றீண்டு மெய்ப் பொருள் கண்டார்தலைப்படுவார்
மற்றீண்டு வாரா நெறி.
என்ற குறளின்படி மனிதப்பிறப்பை பெற்ற நாம் அனைவரும் குருவின் மூலம் மெய் அறிவைப் பெற்று மீண்டும் பிறவாப் பெருநிலையை அடைவோம்.