மிகு காலம் மூன்றும் கெடாதிருப்பதற்கான சத்தான
சத்தியத்தில் நிலைக்க வேண்டும்
தம்மால் முடிந்தவரை கடையனையும் கடைத்தேற்றும் தயை வேண்டும்
ஒத்தது அறியும் உயர்வான விசாரம் எப்போதும் வேண்டும்
கண் முன் நின்றது புசிக்கும் பக்குவம் பலகாலம் பழகுவதால் வர வேண்டும் (30)

ஒரு தீபத்தில் இருந்தே இன்னொரு தீபம் ஏற்றுதல் போல் பிரம்ம
ஞானத்தால் பிரம்மத்தை உணர்த்த வேண்டும்
ஆன்மாவே நித்தியம், சத்தியம், ஏகம் அதுவே சச்சிதானந்த
நிஜ சொரூபமாதலால் அதில் பிரியம் வேண்டும்
மான அவமானத்தை நன்று தீதை இன்ப துன்பத்தை
சமமாக கருதி வாழும் வகை வேண்டும்
தனதான்ம பலத்தின் சக்தியை விளம்பாமை என்றும் வேண்டும்
பலருக்கு நிழலைக் கொடுக்கும் மரம் வெயிலில் காய்தல் போல்
அகிம்சையோடு இருத்தல் வேண்டும்
தான் உண்ட நீரை தலையில் தரும் காலம் வரை (40)

காத்திருப்பது போல் பொறுமை வேண்டும்
நல்லதை நினைத்து நல்லதை சொல்லி நல்லதே செய்தால்
நல்லதே நடக்கும் என்ற நேர்மை வேண்டும்
காமநிக்ரகம் கோபநிக்ரகம் செய்து அகநெருப்பை அணைக்கும்
பயிற்சிகளை பயின்று வர வேண்டும்
உருத்தரிக்கும் நாடிதனை உருப்படியாக அறிந்து உயர்வான
மேல் நிலைக்கு செலுத்த பழகி வர வேண்டும்
அனுபூதி வாழ்வினை எய்திட அனுதினமும்
அனுட்டானங்களை செய்து வர வேண்டும்
வேண்டுங்கால் என்றும் வேண்டும் மீண்டும்
பிறவாமை வேண்டும் வேண்டும். (51)