நாங்கள் நால்வரும் மேல்மருவத்தூரில் உள்ள ரகுபதி அவர்களின் இல்லத்தில் தினந்தோறும் பயிற்சிகளை முயற்சியோடு மேற்கொண்டு வந்தோம். நாங்கள் கூட்டு தியானம் மேற்கொள்ள எங்களது குடும்பத்தாரும் ஆதரவு நல்கினர். 2014 ஆம் ஆண்டு, திருச்செந்தூரில் பங்குனி மாதம் நடைபெற்ற ராஜரிஷி பரம ஞான குருபிரான் அய்யன்பட்டி சங்கர சுவாமிகளின் குருபூசை விழாவில் நாங்கள் அனைவரும் குடும்ப சகிதமாக மகிழ்ச்சியோடு கலந்து கொண்டோம். எங்கள் ஆர்வத்தை உணர்ந்து கொண்ட குருநாதர் பெரு மகிழ்ச்சியோடு வாழ்த்தி அனுப்பினார். 24.05.2014 அன்று வேடந்தாங்கல் மற்றும் சென்னையில் ஞான சபை அன்பர்களின் சில சுப நிகழ்ச்சிகளில் கலந்து கொள்ள வரும்பொழுது முன்னதாக மேல்மருவத்தூர் ரயில் நிலையம் வந்து இறங்கி ரகுபதி அவர்களின் இல்லத்தில் வைத்து சுமார் 5 மணிநேரம் உணர்வாளர்களை சந்தித்து ஆசி வழங்கி எங்களை ஆனந்தக் கடலில் ஆழ்த்தினார்கள்.

அன்றைய தினத்தில் சென்னையில் தையற் கலைஞராக பணி புரியும் D. கண்ணன் அவர்களுக்கு திருவடி தீட்சை அருளப்பட்டது . நாங்கள் அனைவரும் ராஜரிஷி பரம ஞான குருபிரான் சங்கர சுவாமிகளின் குருபூசை விழா, குருநாதரின் பிறந்தநாள் விழா, ஞான சபை கிளை தியான அரங்க, திறப்பு விழா மற்றும் ஆண்டு விழா என அனைத்து நிகழ்ச்சிகளிலும் பங்கு பெற்று ஞானசானிடம் அருளாசி பெற்று வருவோம். 2018 ஆம் ஆண்டு குருபூசை அழைப்பிதழ்களை வழங்க குருநாதர் சென்னை வரும்போது மேல்மருவத்தூரில் உள்ள அன்பர்களே ரகுபதி அவர்களின் இல்லத்தில் வைத்து சந்தித்து குருபூசை அழைப்பிதழ்களை வழங்கி ஆசி வழங்கியதோடு மட்டுமின்றி, அன்றைய தினம் வந்திருந்த அனைத்து மகளிர்க்கும் ஞான சபையின் தலைமை பொருளாளர் கனம் பொருந்திய பாண்டியன் அண்ணாச்சி மூலம் திருவடி தீட்சை அருளப்பட்டது. பின்னர் அனைவரும் தியான பயிற்சியை மேற்கொள்ள ஒரு தியான அரங்கம் தேவை என்று கோரிக்கை வைத்து சமாராதனையில் வேண்டிக் கொள்வோம்